Тоңазытқыштар және мұздатқыш камералары

Ең алдымен, тоңазытқыш розеткаға қосылғанын тексеруді ұсынамыз. Егер тоңазытқышта қыздыру шамы қолданылса (әдетте 15 W), оны пайдалану жөніндегі нұсқаулыққа сәйкес ауыстырыңыз. Егер тоңазытқышта жарықдиодты шам қолданылса, оны ауыстыру үшін сервис орталығына жүгініңіз. Тоңазытқыштың кейбір модельдерінде (мысалы, Sharp) шамды тек сервис компаниясының білікті маманы ғана алмастыра алатынына назарыңызды аударамыз. Өзге жағдайларда шам сатып алу үшін дүкенге немесе сервис орталығына жүгінбес бұрын, пайдалану жөніндегі нұсқаулықпен танысып шығыңыз.

Алдымен қос камера есігіндегі тығыздағыш резеңкенің зақымдалмағанын тексеріңіз. Есіктің тығыз жабылғанын және ішіндегі өнімдер оны жабуға кедергі келтірмеуін қадағалаңыз. Мұз тоңазытқышқа ыстық күйіндегі тағамдар салғандықтан пайда болуы мүмкін. Тағамды тоңазытқышқа салмас бұрын оны әрдайым бөлме температурасына дейін салқындатыңыз, әйтпесе конденсат пайда болады, ол кейін қатып қалады. Салынған тағамдар тоңазытқыш ішіндегі желдету саңылауларын бітеп тастамағанына көз жеткізіңіз, әйтпесе ауа айналымы бұзылады.

Ең алдымен камерада жарамдылық мерзімі өтіп кеткен өнімдердің бар-жоғын тексеруді ұсынамыз. Өнімдерді әсіресе қатты иісі бар тағамдарды (балық, ысталған ет т.б.) ауа өткізбейтін контейнерлерде сақтаңыз, сондай-ақ  оларды камераның тиісті бөліктерінде сақтауға тырысыңыз. Бұдан бөлек, құрылғы камераларын ұдайы тазалап тұруды ұсынамыз.

Әдетте, өндірушілер көлемі 200-290 литрден кем тоңазытқыштар моделіндегі компрессоры бар бөлікке артқы қақпақ орнатпайды. Бұл ақау емес және ол моторды жақсылап салқындатуға мүмкіндік беретіндіктен, құрылғының жұмысына әсер етпейді. Көлемі 300 литрден асатын модельдерде жақсылап салқындату үшін желдеткіші бар қақпақ орнатылған.

Бірінші кезекте нығыздағыш резеңкенің тоңазытқыш камерасы корпусына жанасуын, сондай-ақ оның бүтіндігін тексеруді ұсынамыз. Сондай-ақ, өнімді құрылғы камерасына салмас бұрын бөлме температурасына дейін салқындатып, ауа өткізбейтін контейнерлерде сақтауға кеңес береміз. Ыстық немесе жылы тағамдар конденсат түзеді. Бұдан бөлек,  құрылғы ішіндегі және сыртындағы температура айырмашылығына байланысты камера есігінің жиі ашылуына байланысты да конденсат пайда болуы мүмкін. Ашық қаптамадағы құрамында сұйықтық көп өнімдер де камера қабырғасында конденсат түзуі мүмкін. Егер тоңазытқышта тамшылау жүйесі қолданылса, қашыртқы саңылауы бітеліп қалғамауын тексеру керек, сонымен қатар тоңазытқыш камерасын жібітіп, оны тазалау қажет. Қашыртқы саңылауы көкөніс жйшігінің үстінде орналасқан, конденсат жинауға арналған артқы қабырғасындағы су қайтар жерде орналасқан.

Құрылғының ішіндегі және сыртындағы қысымның айырмашылығына байланысты есікті жапқаннан кейін оны бірден (немесе 1 минут ішінде) ашу қиынға соғады. Шамалы күте тұрып, камера ішіндегі қысым тұрақталғаннан кейін тоңазытқыш есігін қайта ашып көріңіз.

Жаңадан сатып алынған тоңазытқыштан жұмыс кезінде күйген резеңке иісі шығуы мүмкін. Әдетте, ) компрессорға дірілден қорғайтын резеңке (компрессорды діріл мен соққылардан қорғайтын резеңке материал) жабыстырылады, ол жұмыс кезінде иіс шығаруы мүмкін. Иіс 1-3 ай пайдаланған соң кетеді.

Тоңазытқышты ұзақ уақыт сақтамас бұрын, газдың жылыстауы, зең, қосалқы бөлшектердің жарамсыздығ ысияқты проблемалар пайда болмас үшін, оның есігін 2-3 күнге ашып тастап, мұқият жуып, кептіруді ұсынамыз. Камералардың бұрыштары мен ойықтары жақсылап кебуі үшін сөрелер мен тартпаларды бөлек кептіруді ұсынамыз. Тоңазытқышты сақтауға дұрыс дайындау болашақта проблемалардың алдын алуға көмектеседі.

Алдымен тоңазытқышты электр желісінен ажыратыңыз. Компрессор жылжып кетіп, түтіктерден газ жылыстауы мүмкін болғандықтан, тасымалдаған кезінде тоңазытқышты бүйірлете жатқызбаңыз. Сондай-ақ, дұрыс тасымалдамаған кезде (бүйірлете) компрессордан май ағып кетіп, қосылмауы мүмкін. Тасымалдағаннан кейін тоңазытқышты кемінде бір сағаттан кейін қосыңыз.

Бірінші кезекте құйылған су деңгейін тексеруді ұсынамыз. Егер науаға көп мөлшерде су құйылса, мұз бөліктері бір-біріне қатып қалып, бөлінбейді. Егер науа мұзға толы болса, оны тазалап,  жуып жіберіңіз. Науаны тұтастай толтырмаңыз, пайдалану жөніндегі нұсқаулық ұсынымдарын орындаңыз.

Бұл мақсатқа сай пайдаланбау болғандықтан, өндірушілер мұндай ұсынымдарды мәлімдемейді. Алайда, сіз тоңазытқышқа жеңіл заттарды, дірілдемейтін және жылу шығармайтын заттарды қоя аласыз (мысалы, гриль бар микротолқынды пештерді қоюға болмайды). Тоңазытқышқа электр магниттік үйлесімділік пен радио кедергілерге сертификаты бар құрылғыларды қоюға болатынына назарыңызды аударамызды (бұл құрылғылардың көрсеткіштері рұқсат етілген деңгейден аспауы керек). Сіз бұл ақпаратты құрылғының техникалық құжаттамасынан немесе өндірушіден біле аласыз.

Егер құрылғы электр желісіне жақында қосылған болса немесе оған жаңа өнім салынса, тоңазытқыш ішіндегі қойылған температураға жету үшін көп уақыт кетеді. Бұл қалыпты жағдай. Жақында тоңазытқыш камерасына көп мөлшерде жылы өнімдер салынған болуы мүмкін. Мұндай өнімдерді камераларға салмай тұрып, оларды бөлме температурасына дейін алдын ала салқындатып алыңыз. Егер тоңазытқыш орналасқан бөлмеде температура тым жоғары болса (мысалы, жазда), әдетте, құрылғы ұзақ уақытқа қосылады. Егер тоңазытқыш есіктері тым жиі немесе ұзақ уақыт ашылса, камералар ішіне жылы ауаның енуі қосу кезеңдерінің артуына әкеп соғады.  Сондай-ақ, қойылған температураны (тым төмен болуы мүмкін) және камера есіктеріндегі тығыздағыш резеңкені тексеріңіз (ол ластанған, тозған немесе зақымдалған болуы мүмкін). Тығыздағыш резеңке зақымдалған жағдайда сервис орталығына жүгінуді ұсынамыз.

Қателік кодының сипаттамасын нұсқаулықтан немесе өндіруші сайтынан тексеріп, қателік кодына сәйкес ұсынымдарды орындаңыз. Егер бұл әрекеттерден нәтиже шықпаса, сервис орталығына жүгінуді ұсынамыз.

Конденсат түзілуін болдырмас үшін мұздатқыш жылу өткізбейтін құбырмен жабдықталған, ол әдетте құрылғының алдыңғы және бүйір бөліктерінде орналасқан. Суықты алу процесі конденсатордың қызуымен бірге жүреді, сәйкесінше тоңазытқыштың қабырғалары да қызады. Бұл қалыпты құбылыс және ақау емес.

Бірінші кезекте құрылғыға қуат беріліп тұрғанын тексеріңіз. Мұздатқыш камералардың кейбір модельдерінде есік ашық кезде шамамен 15 минуттан кейін ішкі жарық автоматты түрде өшеді. Барлық шарттар орындалғанымен, жарық болмаса, сервис қызметіне жүгінуді ұсынамыз.

Жаңа тоңазытқыш пен оның компоненттерінен пластик иісі шығады. Бұл ақау емес. Біраз уақыттан кейін иіс кетеді. Сондай-ақ, алғаш қоспас бұрын тоңазытқыш камералары мен компоненттерін (жәшіктер, сөрелер т.б.) сода ерітіндісімен жуып, кептіруді ұсынамыз.

Алдымен тоңазытқыштың/мұздатқыштың дұрыс орнатылғанын тексеріңіз, оны артқа қарай сәл қисайған болуы керек. Қажет болса, алдыңғы сирақтарын реттеңіз. Сондай-ақ, тоңазытқыш сөрелері соңына дейін салынғанын тексеруді ұсынамыз. Жапқан кезде тым қатты күш салса немесе қатты жылдамдықпен жапса,  есік ашылып кетуі мүмкін. Сондай-ақ, тығыздағыш резеңкені сабын қосылған жылы сумен әлсін-әлсін сүртіп тұруды ұсынамыз (содан соң оны кептіру керек) – бұл резеңкенің магниттік қасиеттерін ұзақ уақыт сақтауға мүмкіндік береді.

Қазіргі заманғы тоңазытқыштардың көпшілігі есіктің ашық қалғаны туралы ескертетін датчикпен жабдықталған. Егер тоңазытқыштың есігі біраз уақыт ашық тұрса (моделіне байланысты 1 минуттан 2 минутқа дейін), дыбыстық сигнал және/немесе жарық индикациясы қосылады. Басқару панеліндегі сәйкес түймені басу арқылы бұл сигналды қосуға немесе өшіруге болады. Тоңазытқыштардың барлық модельдеріндегі есіктер мұндай датчикпен жабдықталмағанына назар аударыңыз. Құрылғының техникалық құжаттамасымен танысып шығуды ұсынамыз.  

Бұл ең алдымен сіздің сезімталдығыңызға байланысты: түрлі адам үшін сезімталдық деңгейі әртүрлі және сіз статикалық электр қуатын сезінуіңіз мүмкін. Розетканың жерге тұйықталғанын тексеріңіз. Егер тұйықталмаған болса, адам үшін қауіпсіз ток жылыстауы болуы мүмкін (халықаралық стандарттар 1,5 мА-ден төмен токты меңзейді). Розетка жерге тұйықталғанына қарамастан, ток білініп тұрса, ол жерге дұрыс тұйықталмаған болуы мүмкін; қуаттау баусымын аударып көріңіз. Егер ток аса қуатты көрінсе, бірден сервис орталығына жүгінуді ұсынамыз.

Ең бірінші шуыл не себепті шығатынын түсіну керек. Алдымен құрылғы қатты әрі тегіс бетке орнатылғанына көз жеткізіңіз. Еден тегіссіздігінің орнын толтыру үшін алдыңғы сирақтарын реттеңіз, ал есік жақсырақ жабылуы үшін камераны сәл артқа қарай қисайту керек. Аппарат айналасында жеткілікті кеңістікті қамтамасыз ету үшін орнату орнын таңдаңыз. Егер бүйір немесе артқы қабырғасы басқа заттарға тиіп тұрса, қалыпты діріл деңгейінде де шуыл естілуі мүмкін.  Жұмысты бастаған кезде немесе аяқтаған кезде, құрылғы автомобиль қозғалтқышын іске қосқанға ұқсас дыбыстар шығаруы мүмкін (шертпек немесе дарылдау). Біраз уақыттан кейін, жұмысы тұрақталған соң, бұл дыбыстардың қаттылығы деңгейі төмендейді. Желдеткіш жұмыс істеп тұрған кезде мұздатқыш ызыңдауға, сыбдырға ұқсас дыбыстар шығаруы мүмкін. Тоңазытқыш немесе мұздатқыш белгіленген температураға жеткеннен кейін желдеткіш шуылы басылады. Бүлкілдеген дыбыстар ауа өткізбейтін құбырлар арқылы өтетін салқындатқыш агент айналымына байланысты болады. Сондай-ақ, құрылғыдан сатыр-сұтыр еткен шуыл естілуі мүмкін: температура түскенде немесе көтерілгенде пластмасса элементтердің кішіреюіне немесе кеңеюіне байланысты болады. Көбінесе бұл дыбыс электрондық тораптар жұмысы кезінде немесе мұздатқышты еріту кезінде шығады. Бұдан бөлек, есікті ашып, жапқан кезде, қысымның төмендеуіне байланысты, ысқырған және ысылдаған дыбыстар естілуі мүмкін.

Алдымен есіктің мықтап жабылғанына көз жеткізіңіз. Сондай-ақ, желдеткіш торлар бітеліп және жабылып қалмауын тексеріңіз. Қоршаған орта температурасы тым жоғары болуы мүмкін (әдетте жазда) немесе құрылғы жылу көзіне жақын орналасқан. Мұздатқышқа көп мөлшерде жаңа өнімдер салынған болуы мүмкін. Құрылғы есігін жиі ашпауға тырысыңыз. Төмен температура қойып көріп, 24 сағаттан кейін тексеріңіз.

Көптеген заманауи тоңазытқыштарда тоңазытқыш қондырғысының конденсаторы тоңазытқыштың артқы жағына емес, бүйір қабырғасына орнатылған. Конденсат түзілуінің алдын алу үшін мұздатқыш әдетте құрылғының алдыңғы және бүйір бөліктерінде орналасатын, жылу өткізбейтін құбырмен жабдықталады. Жасанды суықты алу процесі конденсатордың қызуымен бірге жүреді, сәйкесінше тоңазытқыш қабырғасы да қызады. Бұл кезеңдік процесс, яғни компрессор жұмысындағы үзілістер кезінде конденсатор салқындайды. Бұл ақау емес.

Өнімдерді тезірек салқындату үшін компрессор ұзақ жұмыс істейді. Сондай-ақ, аздаған салқын қажет болғанда, компрессор төмен жылдамдыққа ауысады, сол себепті оның жұмыс ұзақтығы артады. Ал энергия үнемдейтін модельдер үшін бұл құбылыс қалыпты жағдай.

Егер сіз демалысқа немесе іссапарға баруды жоспарласаңыз және тоңазытқышты ұзақ уақыт пайдаланбасаңыз, осы режимді пайдалану ұсынылады. Бұл функция іске қосылғаннан кейін мұздатқыш камера қалыпты режимде жұмыс істейді, ал тоңазытқыш камерасының температурасы 17 градустан аспайды. Қоршаған орта температурасы 17 градустан төмен болған кезде, тоңазытқыш камерасындағы температура қоршаған орта температурасына жақын болады. Бұл температура тағамды сақтау үшін тым жоғары болғандықтан,  осы функцияны іске қоспас бұрын, барлық өнімдерді тоңазытқыштан шығарыңыз. Егер сіз тоңазытқыш камерасына басқа температура қоюға тырыссаңыз, бұл функция автоматты түрде өшетініне назар аударыңыз.

Бірінші кезекте пәтердегі су ажыратылмағанын тексеруді ұсынамыз. Егер шүмектен су ақса, машинаға су беретін шүмек жабық емес екенін тексеріңіз, сонымен қатар су арынын тексеріңіз.  Егер машина ұзақ уақыт пайдаланылса, су беру құбыршегі мен машина корпусы жалғанған жердегі сүзгі торын тексеруді ұсынамыз. Егер ол бітелген болса, тазалап, шайыңыз.  Сондай-ақ, құбыршекте майысқан жерлер бар-жоғын тексеруге кеңес береміз. Егер аталған әрекеттерден нәтиже шықпаса, сервис орталығына жүгінуді ұсынамыз.