Кір жуатын және кептіру машиналары

Жаңа кір жуатын машина барабанында су болуы ол зауытта сынақтан өтіп, бірден қапталғандықтан, су булана алмағанын білдіреді. Әдетте бұл жағдайда барабанда бір стақандай су қалады.

Алдымен қондырғының дұрыс орнатылғанына көз жеткізуді ұсынамыз. Тасымалдау бұрандалары (тасымалдау пластинасы) алынып тасталды ма? Алынбаса, оларды пайдалану жөніндегі нұсқаулыққа сәйкес алып тастау керек. Олар құрылғының артқы қабырғасында орналасады (екеуі жоғарыда және екеуі төменде). Әдетте, өндірушілер кір жуатын машиналарды тасымалдау бұрандалары орнына орнату үшін пластик бітеуіштермен жабдықтайды. Бұл корпус ішіне шаң енуіне жол бермейді. Машинаның деңгей бойынша орнатылғанын тексеріңіз. Олай болмаса және бір жағына қисайып тұрса, алдыңғы сирақтарын бұраңыз. Егер машинаны тайғақ бетке (мысалы, кафель) орнатқыңыз келсе, сирақтарға арналған резеңке тұғырықтар сатып алуды ұсынамыз. Олар дірілді азайтады, сонымен қатар еденді із бен зақымданудан қорғайды. Сондай-ақ, кір теңгерімсіздігі кезінде діріл байқалуы мүмкін. Мысалы, төсек-орын жабдығын жуғанда. Ол жұмарланып, барабан қабырғасына соғылғандықтан, діріл пайда болуы, ал сыққан кезде машина «селкілдеуі» мүмкін. Бұл жағдайда сығу циклын тоқтатып, кірді барабанды бойына  қолмен орналастырып, сығуды қайта бастауды ұсынамыз.

Алдымен қандай жуу режимі таңдалғанын тексеріңіз. Кір жуатын машиналардың кейбір модельдері, сондай-ақ кейбір бағдарламалар суды ағызып, сығу режиміне ауысуды көздемейді. (мысалы, жүннен тоқылған, жібектен тігілген т.б. құнтты заттарға арналған бағдарламалар). Бұл жағдайда пайдаланушы сәйкес бағдарламаны таңдау арқылы ағызу мен сығу режимдерін қолмен іске қосады. Басқа жағдайларда қашыртқы сорғысы сүзгісін тексеру қажет (егер оны өндіруші қарастырса және ол машина конструкциясында болса). Бұл сүзгі барабанға киімнен түсуі мүмкін ұсақ заттарды (жіп, монеталар, түймелер т.б.) ұстап қалады. Сүзгі техникалық қызмет көрсетуді қажет етпейді және оны нұсқаулыққа сәйкес пайдаланушы тазалайды. Машинаның қызмет ету мерзімін ұзарту үшін және ол дұрыс жұмыс істеуі үшін осы сүзгі күйін ұдайы тексеріп отырыңыз.

Оған себеп жуылған кірдің теңгерімсіздігі болуы мүмкін. Төсек-орын жабдығын жуу кезінде бұл жиі байқалуы мүмкін. Кір жұмарланып, машина барабанды айналдырған кезде қабырғасына соғылады. Машинаны ашып, кірді қолмен орналастырып, сығу бағдарламасын қайта іске қосыңыз. Сондай-ақ, бір үлкен затты жуған кезде оған бірнеше кішкентай зат қосуды ұсынамыз.

Бұл жағдайда су ағызу құбыршегінің дұрыс орналасуын тексеріңіз, ол еденде жатпауы керек. Өндіруші ұсынған қашықтық әдетте 60 см-ден кем емес, бірақ еденнен 100 см-ден аспайды. Кейбір модельдердің артқы қабырғасында су ағызу құбыршегін ілуге арналған арнайы ілмек бар. Кір жуатын машина дұрыс қосылған болса да, өздігінен су ағызатын жағдайлар кездеседі. Бұл суды кәріз соруына байланысты болады (сифон әсері). Бұл жағдайда сифонға қарсы клапан орнатуды ұсынамыз. Өздігінен ағып кетудің алдын алудың жақсы тәсілі - ағызу құбыршегін құбыршекке арналған арнайы бұрумен шұңғылша астындағы сифонға жалғау.

Ең алдымен, балалардан бұғаттау функциясы қосылмағанын тексеру керек (модельге байланысты). Егер ол қосылған болса, өшіріңіз. Сонымен қатар, кір жуатын машинаны қуат желісінен біраз уақытқа ажыратып, қайта қосып көріңіз. Егер бұл әрекеттерден нәтиже шықпаса, сервис орталығына жүгіну қажет.  

Қалтадағы барлық заттар алынғанын, киімдегі сыдырма түймеленіп, түймелер мен ілгектер ішке қарай қайырылғанын тексеру қажет. Жумас бұрын төстартқыш ілгектерін алып тастау керек немесе мұндай кір арнайы қапшықтарды жуылуы керек. Сондай-ақ, барабанда саңылаулар жоқтығын тексеруді ұсынамыз. Барабанда саңылаулар болса, сервис орталығына жүгініңіз.

Оның себебі ұнтақтың кристалдануында болуы мүмкін, сондықтан алдымен, кювет бітеліп қалмауын тексеруді ұсынамыз. Кюветті алып, оның барлық құрамдас бөліктерін жақсылап жуыңыз. Егер мәселе шешілмесе, сервис орталығына жүгініңіз.

Тығыздағыш резеңкенің (манжеттің) бүтіндігін тексеріңіз, сонымен қатар люк есігінің тығыз жабылуын тексеру қажет.

Себеп ұнтақтың шамадан тыс мөлшерінде немесе сәйкес келмейтін ұнтақ типінде болуы мүмкін. Автоматты кір жуатын машиналарға арналған ұнтақты қолдану қажет. Сондай-ақ, көп көбік түзілуі салдарынан шоғыры жоғары болуы мүмкін болғандықтан, ұнтақ туралы нұсқауларды басшылыққа алуды ұсынамыз. Пайдаланылатын заттың мөлшерін азайтып көріңіз.

Машина істеп тұрған кезде қауіпсіздік мақсатында люк есігі бұғатталады. Бірнеше минут (екі-бес) күте тұрып, құлыптау механизміне есікті бұғаттан шығаруға мүмкіндік беруді ұсынамыз.

«Жұмсақ» режим таңдалған болуы мүмкін (мысалы, LG-де бұл бағдарлама« Ұқыпты деп аталады»). Бұл режим құнтты және жүннен тоқылған заттарды барынша ұқыпты жууға кепілдік береді. Барабанның айналуы шайқау режимінде жүреді және жуудың басталғанда әрдайым бола бермейді (мысалы: 2 секунд – шайқау, 90 секунд – кідіріс). Өзге жағдайларда сервис орталығына жүгінуді ұсынамыз.

Бірінші кезекте жуғыш заттарды мөлшерлегішті (кюветті) тазалауды ұсынамыз. Сондай-ақ, су арынын тексеріңіз, ол азаюы мүмкін. Басқа ұнтақты қолданып көріңіз.

Бұл проблема кір жуатын машина ойықтарында ылғал мен көбіктің жиналуына байланысты пайда болуы мүмкін. Зарарсыздандыруға арналған тазалау циклдарынн ұдайы орындауды, сондай-ақ машина компоненттерін таза ұстау үшін арнайы құралдар пайдалануды ұсынамыз. Сондай-ақ, жуғаннан кейін есікті тығыздағыш пен манжетті тазалап, люк есігін айқара ашыңыз да, машина ішін құрғатыңыз.

Қателік коды сипаттамасын нұсқаулықтан немесе өндіруші сайтынан тексеріп, қателік кодына сәйкес ұсынымдарды орындаңыз. Егер бұл әрекеттерден нәтиже шықпаса, сервис орталығына жүгінуді ұсынамыз.

Кір жуатын машина барабаны 360 градусқа айналады. Барабанның ішіндегі пластикалық қалақша (редан) сапалы әрі толық жуу үшін киімді көтереді және түсіреді. Егер шыртылдақтар, түймелер немесе сыдырмалар барабанға тиіп кетсе, құрылғыдан шуыл естілуі мүмкін. Сондай-ақ, шуыл барабанға бөгде заттардың (монеталар, шаш қыстырғыштар, әйелдер іш киімдерінің ілгектері т.б.) тиюінен де болуы мүмкін. Шуылды болдырмау үшін түймелерді, шыртылдақтарды, сыдырмаларды т.б. түймелеп, киімнің өңін теріс айналдырып салуды ұсынамыз. Жумас бұрын киім қалталарын тексеріңіз.

Егер пайдалану жөніндегі нұсқаулықта өзге әрекеттер көзделмесе, кір жуғыш машинаны алғаш іске қосқан кезде, кір салмай, аздаған ұнтақ қосып (шамамен жартысы)  «Мақта 60» бағдарламасымен жуудың толық циклын орындауды ұсынамыз.