Ас үйге арналған шағын техника

Кофеңіз ыстық болуы үшін өндірушілер қолданар алдында шыныаяқтарды ыстық сумен жылытып, қабырғасы жұқа ыдыстарды қолдануды ұсынады. Сондай-ақ, демдеу торабы суып қалған немесе температурасы дұрыс қойылмаған болуы мүмкін. Кофе демдемес бұрын, сәйкес түймені (бар болса) басып, демдеу торабын қыздырыңыз, сондай-ақ нұсқауларға сәйкес қажетті температураны қойыңыз (егер ондай функция болса).

Кофе машинасында қақ пайда болған болар. Пайдалану жөніндегі нұсқаулыққа сәйкес қақтан тазалаңыз.

Ең алдымен ұнтақтау дәрежесі баптауларын тексеріңіз – кофе машинасы ірі ұнтақтауға бапталған болуы мүмкін – және оны нұсқауларға сәйкес реттеңіз. Сондай-ақ, кофе дәндерінің таңдалған түріне назар аудару керек. Қоспа жарамауы мүмкін немесе кофенің қуырым балғындығы жеткіліксіз болуы мүмкін. Басқа кофені қолданып көріңіз. Кофе машинасын белгіленген ұнтақтау дәрежесіне келтіру үшін бірден бірнеше порция кофе әзірлеңіз.  

Ең алдымен капучинатор немесе сүт сусындарын дайындауға арналған басқа блок (мысалы, Saeco кофе машиналарындағы «One Touch Cappuccino») дұрыс құрастырылғанына көз жеткізіңіз. Пайдалану жөніндегі нұсқаулыққа сүйеніңіз. Бу шығатын түтіктің бітелмегеніне және бұратылып қалмағанына көз жеткізіңіз. Егер бітеліп қалса, блокты пайдаланушы нұсқаулығына сәйкес шайыңыз және тазалаңыз. Сіз қолданатын сүт көбіктендіруге жарамсыз болуы мүмкін. Сүт негізіндегі  сусындарды дайындау үшін жаңа салқын зарарсыздандырылған немесе пастерленген, майсыз немесе қаймағы алынбаған сүт қолдануды, сонымен қатар өндіруші ұсынымдарын орындауды ұсынамыз. Ал сүт жарамды болғанымен, нәтиже көңіліңізден шықпаса, басқа фирманың сүтін қолданып көріңіз.

Алдымен кофе шығатын саңылауды тексеріңіз – ол бітелген болып, тазалауды қажет етуі мүмкін. Сондай-ақ, пісіру тобын да (пісіру блогы) тазалау қажет болуы мүмкін, оның ластану дәрежесін тексеріңіз. Кофені ірі етіп ұнтақтау дәрежесін орнатыңыз. Кофе машиналарының кейбір модельдерінде автоматты реттеу жүргізу қажет болады. Ол үшін қатарынан бірнеше шыныаяқ кофе әзірлеңіз. 

Кофені тым ұсақ ұнтақтау орнатылған болуы мүмкін. Қажетті нәтижеге жеткенше, оны пайдаланушы нұсқаулығына сәйкес реттеңіз. Пісіру тобы (пісіру блогы) бітеліп қалуы мүмкін екеніне және тазалауды қажет ететініне назарыңызды аударамыз. Сондай-ақ, машинаны автоматты түрде реттеу жүргізуі үшін бірнеше шыныаяқ кофе әзірлеп көріңіз. Кофе машиналарында судағы хлор мен әкті ұстап қалатын сүзгі бар. Қажет болса, оны ауыстырыңыз.

Сервис компаниясына жүгінбес бұрын, дән салуға арналған контейнердің бітеліп қалмағанын тексеруді ұсынамыз.  

Мұндай ақау туындаса, сервис компаниясына жүгінуді ұсынамыз.

Алдымен тамшы суын жинауға арналған табандық толып кетпегеніне және дұрыс салынғанына көз жеткізіңіз. Суға арналған резервуардан су ағып тұрмағанын тексеріңіз. Пісіру тобы (пісіру блогы) бұғатталған болуы мүмкін. Оны пайдаланушы нұсқаулығына сәйкес тазалаңыз.

Әр өндіруші жасаған пісіру топтарының (пісіру блоктарының) конструкциясы әр түрлі. Мұндай мәселені шешу үшін пайдалану жөніндегі нұсқаулықты басшылыққа алуды ұсынамыз.

Ұдайы тазалау, қақты кетіру мен дұрыс күтім жасау кофе машинасының қызмет ету мерзімін ұзартады. Кофе машинасын тазалау үшін қатты ысқыштарды, қажақты және агрессивті тазалағыш құралдарды қолдануға тыйым салынады. Тазалауға кіріспес бұрын кофе машинасы сууы үшін оны желіден ажыратыңыз. Әдетте, өндірушілер кофе машиналарының алмалы-салмалы бөліктерін ыдыс жуатын машинада жууға тыйым салады. Пайдалану жөніндегі нұсқаулыққа сүйеніңіз. Түрлі өндірушілердің өнімдерін тазалау процедуралары да әртүрлі болатындықтан, капучинаторды, пісіру тобын (пісіру блогын), ұнтақталған кофеге арналған контейнерді және басқа да бөлшектерді тазалау үшін пайдалану жөніндегі нұсқаулықты басшылыққа алуды ұсынамыз. Кофе машинасының ішіндегі қақ пайдаланған кезде түзіледі. Кофе машинасын басқару панелінде сәйкес индикация шыққанда, қақтан тазартыңыз.

Ыдыстағы қысым толық түспеген болуы мүмкін. Қысым автоматты түрде толық түскенше күтіңіз. Егер қысым түспесе, оны қолмен жасауды ұсынамыз: нұсқаулықтағы ұсынымдарды басшылыққа ала отырып, сәйкес түймені басып тұрыңыз немесе бұраңыз. Сондай-ақ, нұсқаулықты басшылыққа ала отырып, клапанның бітеліп қалмауын тексеріп, тазалаңыз және құрғатып сүртіңіз.  

Бірінші кезекте клапанның дұрыс орнатылғанын тексеруді ұсынамыз. Клапанды тиісті ұяшыққа дұрыс орнатыңыз. Орнату кезінде пайдалану жөніндегі нұсқаулықты басшылыққа алыңыз. Өзге жағдайларда сервис қызметіне жүгінуді ұсынамыз.

Пісіру процесін тоқтатып, қақпақтың мықтап жабылғанын және клапанның дұрыс орнатылғанын тексеріңіз. Егер құрылғының қақпағында немесе клапанында зақымдануды байқасаңыз, оны пайдаланбаңыз, сервис қызметіне жүгініңіз.  

Қателік кодын пайдалану жөніндегі нұсқаулықпен салыстырып тексеруді және өндіруші ұсынымдарын орындауды ұсынамыз.

Тым қысқа пісіру уақыты немесе тым төмен температура орнатылған болуы мүмкін. Пісіру баптауларын өзгертіңіз, өнімдердің мөлшері мен көлемін нақтылаңыз, сонымен қатар рецептте ұсынылған су көлемін құйыңыз. Буда пісірген кезде қақпақты жиі ашпаған жөн. Ыдыстың  дұрыс орнатылғанын тексеріңіз (ол қисайып тұрмауы керек) және ыдыс пен қыздыру элементі арасында бөгде заттар (өнімдер) жоқ екеніне көз жеткізіңіз.

Ең алдымен, таңдалған пісіру режимінің талап етілгенге режимге сәйкестігін тексеріңіз. Сондай-ақ, ыдыс пен қыздыру элементі арасына бөгде зат тұрып қалмағанын тексеріңіз. Ыдыстың дұрыс орнатылғанына көз жеткізіңіз, мүмкін ол қисық орнатылған болар. Пісіру алдында қыздырғыш элементті тазалау қажет еместігіне көз жеткізіңіз.  

Бірінші рет қолданар алдында немесе пісіргеннен кейін иістерді кетіру үшін «бумен пісіру» режимінде 15 минут бойы жарты лимонды қайнатуға кеңес береміз (егер нұсқаулықта басқа ұсыныстар көрсетілмесе). Пісіргеннен кейін құрылғыны суытып, желіден ажыратыңыз. Әр қолданғаннан сайын ыдысты тазалаңыз. Жуу үшін жұмсақ шүберек пен ыдыс жууға арналған қажақты емес құралдарды пайдаланыңыз. Мультипісіргіштердің кейбір модельдеріндегі ыдыстарды ыдыс жуғыш машинада жууға болады (нұсқаулықта көрсетілген). Тазалауды аяқтаған соң ыдыстың сыртқы бетін құрғатып сүртіңіз. Мультипісіргіштің қақпағын дымқыл жұмсақ шүберекпен немесе ысқышпен тазалаңыз, қажет болса, аз мөлшерде сұйық жуғыш затты қолдануға болады. Тазалағаннан кейін оның ішкі бетін құрғатып сүртіңіз. Модельдер конструкцияларындағы айырмашылыққа байланысты бу клапаны мен конденсат жинағышты пайдалану жөніндегі нұсқаулыққа сәйкес тазалауды ұсынамыз. Корпусты дымқыл шүберекпен тазалаңыз. Мультипісіргіш пен оның құрамдас бөліктерін тазалау үшін қатты ысқыштарды, қылшақтарды, қажақты жуғыш құралдар мен агрессивті еріткіштерді (мысалы, ацетон) пайдалануға тыйым салынады.

Бірінші кезекте илеуге арналған қалақшаның бар екенін, оның және пісіруге арналған қалыптың дұрыс орнатылғанын тексеріңіз. Рецепте көрсетілген ингредиенттер қолданылып жатқанын, олардың мөлшері дұрыс екенін тексеріңіз. Сондай-ақ, пайдаланылатын өнімдер температурасына назар аударуды ұсынамыз. Олар бір-бірімен жақсы қосылуы үшін ингредиенттер бөлме температурасында болуы керек.

Қалақшаны алмас бұрын, ыдысқа су құйып, біраз уақытқа қоюға кеңес береміз.

Мұндай жағдайдың алдын алу үшін, нан пісірніш ыдысына ингедиенттерді салмас бұрын, қалашаны аздап өсімдік майымен майлауды ұсынамыз. Әр қолданған сайын қалақшаны жуып отырыңыз. Сондай-ақ, ұнның кейбір түрлері басқаларына  қарағанда көбірек су сіңіретіндіктен, келесі жолы көбірек су қосуды ұсынамыз (шамамен 10-20 мл).

Ингредиенттердің бір бөлігі контейнерден түсіп қалған болуы мүмкін. Бұл жағдайда құрылғыны суытып, оның ішін дымқыл шүберекпен немесе ысқышпен (жуғыш затсыз) жуу керек. Әдетте, көп ингредиент салынуына, әсіресе сұйықтықтың көп құйылуына байланысты контейнер толып кетеді. Рецептте көрсетілген пропорцияларды сақтауды ұсынамыз.

Бұл жағдайда қателіка кодын пайдалану жөніндегі нұсқаулықпен салыстырып, өндіруші ұсынымдарын орындауға кеңес береміз.

Нан пісіру бағдарламасының бірінші (немесе екінші) кезеңі – қамырды қарқынды илеу. Қалақша білік бойымен қозғалып, қатты дыбыс шығаруы мүмкін. Бұл ақау емес.

Мұндай жағдайлар мен оларды шешу әдістерін өндірушілер пайдалану жөніндегі нұсқаулықта егжей-тегжейлі сипаттайды. Сервис орталығына жүгінбес бұрын, пайдаланушы нұсқаулығындағы сәйкес бөліммен танысып шығуды ұсынамыз. Өзі атымыздан мынаны айтқымыз келеді: ас дайындаған кезде ингредиенттер сапасы өте маңызды. Жаңа өнімдерді қолданып,  рецептке сай әзірлеңіз.

Тазаламас бұрын, нан пісіргішті суытып, оны желіден ажыратыңыз. Жуу үшін сұйық жуғыш заттарды және жұмсақ ысқыштарды немесе шүберектерді қолданыңыз. Пісіруге арналған қалыптар жабыспайтын жабынмен жабылған. Оларды тазалау үшін металл қылшақтарды немесе қатты қырғыштарды пайдаланбаңыз. Қалақшаны сабын қосылған жылы сумен жууды ұсынамыз. Сондай-ақ, тазаланатын бетті тырнауы немесе зақымдауы мүмкін қажақты тазартқыш құралдарды қолдануға тыйым салынады. Қақпақты дымқыл майлықпен немесе жұмсақ, сәл дымқыл шүберекпен тазалау ұсынылады. Нан пісіргіштің басқа бөліктерін (мысалы, диспенсерлерді) тазалау үшін пайдалану жөніндегі нұсқаулықты басшылыққа алыңыз. Өндірушілердің көпшілігі нан пісіргіштің құрамдас бөліктерін ыдыс жуатын машинада жууға тыйым салатынына назарыңызды аударамыз. Корпусын жұмсақ дымқыл майлықпен немесе шүберекпен тазалауды ұсынамыз.

Мүмкін сіз жарамайтын ыдысты қолданған боларсыз. Микротолқынды пеште металл, алюминий жабыны бар ыдыстарды қолдануға болмайды. Сондай-ақ, камераның тазалығын тексеріңіз. Тамақ қалдықтары қызып кетіп, пештің ұшқындауына және зақымдалуына себеп болуы мүмкін. Жарылуы мүмкін болғандықтан, пеште жұмыртқаны немесе құтыны қыздырмаңыз.  

Алғаш қолданған кезде пештің ішкі бөліктері қызып, иіс шығуы мүмкін. Бұл алғаш қолданумен байланысты уақытша құбылыс және ақау емес. Шамамен екі-үш рет қолданғаннан кейін иіс кетеді. Күйік иісінен тезірек құтылу үшін бір шыныаяқ суға лимон шырынын араластырып, оны микротолқынды пеште шамамен екі-үш минут қыздыруды ұсынамыз.

Микротолқынды пеш жұмыс істеп тұрған кезде қатты дыбыс шығаратын, шамамен 40-тан 50 дБ-ге дейінгі аралықта жоғары жиілікті толқындар бөледі. Бұл қалыпты дыбыстар, сондықтан алаңдамасаңыз болады. Егер шуыл тым қатты болып көрінсе, бұру сақинасы мен шыны табандық дұрыс орнатылғанын тексеруді ұсынамыз. Айналған кезде олар айналасындағы бөліктерге тиіп, дыбыс шығаруы мүмкін. Сондай-ақ, бұру механизмін бөгде заттар түсуін тексеруді ұсынамыз. Егер микротолқынды пеш тегіс емес жерге орнатылса, жұмыс кезіндегі діріл шуылға әкеп соғуы мүмкін.

Еріту кезінде жылу біркелкі берілмейтіндіктен, тағамдарды ерітуде қиындық болуы мүмкін. Жібітпес бұрын өнімдерді бөлме температурасында 15-20 минутқа қалдыруды ұсынамыз. Жібіту процесін жақсарту үшін өнімдер оралған орауыш материалды алып тастаңыз. Өнімді шұңғыл табаққа салмаңыз, түбі тегіс ыдысты қолданыңыз.

Тазалауды бастамас бұрын құрылғыны электр желісінен ажыратыңыз. Сыртқы бетін тазалау кезінде химиялық тазартқыш заттар мен қатты қылшақтарды пайдаланбаңыз. Бейтарап жуғыш зат қосылған дымқыл шүберекті пайдаланыңыз. Микротолқынды пештің әйнектерін жуу үшін арнайы құралды қолдану ұсынылады. Микротолқынды пештің ішін тазарту үшін ондағы су құйылған ыдысты шамамен екі-үш минут қыздырыңыз. Жағымсыз иісті кетіру үшін суға лимон тілімдерін қосуға болады. Пайда болған бу тамақ қалдықтарын жұмсартады. Бұдан соң камераны дымқыл, жылы шүберекпен, қалған ылғалды құрғақ шүберекпен сүртіп алыңыз. Тазалауды ұдайы жүргізуді ұсынамыз, әйтпесе пеш камерасында майлы дақтар пайда болып, кейін оларды кетіру қиынға соғады. Бұдан бөлек, олар жағымсыз иіс тудыруы мүмкін.

Бірінші кезекте микротолқынды пешті жерге тұйықталған розеткаға қосуды ұсынамыз. Пеш желіге дұрыс қосылғанымен, мәселе шешілмесе, сервис орталығына жүгінуді ұсынамыз.

Шыны ыдыстың білік муфтасына дұрыс орнатылғанын тексеріңіз. Диаметрі шыны ыдыспен бірдей немесе одан аз ыдыстарды пайдалану ұсынылады. Шыны ыдыстың айналуына тағамдар кедергі келтірмейтінін тексеріңіз. Оларды ықшам етіп салыңыз немесе мөлшерін азайтыңыз.

Ең алдымен, қойылған қыздыру температурасын тексеріп,  қажет болса, оны көбейтіңіз. Есіктің мықтап жабылғанына, оны жабуға ешқандай кедергі жоқ екеніне көз жеткізіңіз. Егер осы шарттардың барлығы орындалса, сервис орталығына жүгінуді ұсынамыз.