Газ плиталары, панельдер, тұмшапештер
Санаттарға оралу- Істеп тұрған кезде плита оттығы сөніп қалады.
Бірінші кезекте газдың жануын бақылауды ұсынамыз. Конфоркадан шыққан жалын терможұпты барлық жағынан қоршап тұруы керек. Егер от терможұпқа жетпесе, плита бүріккішін тазалау керек. Егер бұл әрекеттерден нәтиже шықпаса, сервис қызметіне жүгінуді ұсынамыз.
- Газ плитасының тұмшапеші жанбайды.
Газ тұмшапештерінің көпшілігінде «газды бақылау» жүйесі бар. Ол , мысалы, су басу салдарынан конфорка жалыны сөнген кезде, газ шығудан қорғайды. Оларды тұтатудың ерекшелігі бар. Тұмшапеш есігін ашып, оның тұтқасын барынша жоғары қалыпқа қойыңыз. Тұмшапеш тұтқасын қысылған күйде шамамен 10-15 секунд ұстап тұрып, жанып тұрған сіріңкені білте терезесіне жақындатыңыз. Жалынның сөнбегеніне көз жеткізіп, тұтқаны жайлап босатыңыз. Тұмшапештің есігін біраз уақытқа ашық қалдырыңыз (шамамен екі минут), содан кейін жабыңыз. Егер жалын сөніп қалса, газ беру тұтқасын «жабық» қалпына бұрап, шамамен бір минут күтіңіз де, процедураны қайталаңыз. Егер тұмшапеш электр желісінен автоматты түрде жану жүйесімен жабдықталған болса, басқа құрылғыны қосу арқылы электр желісінде токтың бар-жоғын тексерген жөн. Егер аталған әрекеттер нәтижесінде тұмшапеш жанбаса, газ қызметіне жүгініңіз.
- Тұмшапешті қалай дұрыс тазалау керек?
Тазалауды бастамас бұрын барлық конфоркаларды сөндіріп, плитаға газ беруді жабу қажет. Конфоркалар мен торларды май кетіргіш зат қосылған жылы сумен тазалау ұсынылады. Бетті, әсіресе эмаль жабылған бетті, жұмсақ ысқышпен және жұмсақ тазартқыш затпен н мұқият жууды ұсынамыз (қажақты қасиеттері бар тазартқыш заттар мен металл ысқыштарды қолдануға болмайды). Жалын бөлгіштің жану саңылауларына ерекше назар аударған жөн, оны тазалау үшін жұқа мыс сымды (егер пайдалану жөніндегі нұсқаулықта өзгеше көзделмесе) пайдаланыңыз. Оттықтарды тазалағаннан кейін оның элементтері дұрыс салынғанын міндетті түрде тексеру керек: олар қисайып тұрмауы керек. Су тамшылары газдың шығуына кедергі келтіруі мүмкін болғандықтан, конфоркалар бөліктері әрдайым құрғақ болуы керек. Тұмшапешті тазалау үшін аз мөлшерде сабын ерітіндісі, мысалы, ыдыс жуатын сұйықтық қосылған жылы суды да пайдалануды ұсынамыз. Плитаның қызмет ету мерзімін сақтау үшін оның айтарлықтай ластануына, әсіресе күйіп кетуіне жол бермеу керек. Басқару панелі мен тұтқаларды тазалауды да ұмытпаңыз.
- Конфорка жалыны үзік-үзік болып жанады.
Жану тұрақталғанша газ беруді басқару тұтқасымен азайтуға тырысыңыз. Оттық қақпағындағы саңылауларды тазалаңыз, орнына қоймас бұрын оттықтың қақпағын және жоғарғы жағын құрғатып сүртіңіз. Егер бұл әрекеттерден нәтиже шықпаса, газбен жабдықтау қызметіне жүгініңіз.
- Дисплейде код көрсетіледі.
Панельдің өзін-өзі диагностикалауы жұмыстағы қатені анықтады немесе ағымдағы күйді (ыстық, бұғатталған) көрсетеді. Кодты пайдалану нұсқаулығымен салыстырып, өндірушінің ұсыныстарына сәйкес әрекет етуге кеңес береміз.
- Конфорка жанбайды немесе нашар жанады.
Бірінші кезекте оттық арналарына немесе шүмекке кірдің түспегенін тексеруді ұсынамыз. Қажет болса, оларды пайдалану жөніндегі нұсқаулыққа сәйкес тазалаңыз. Тазаламас бұрын плитаға газ беруді тоқтату керек екеніне назар аударыңыз. Орнатпас бұрын бөлшектерді жақсылап кептіріңіз және оттықтың қисаймағанына көз жеткізіңіз. Желідегі қысым тым төмен болуы ықтимал. Қысымды тексеру үшін газбен жабдықтау қызметіне жүгініңіз.
- Тұмшапештегі жарық жанбайды.
Тұмшапештегі шамды пайдалану жөніндегі нұсқаулыққа сәйкес өзіңіз ауыстыра аласыз (егер нұсқаулықта басқаша көрсетілмесе). Шамды ауыстыратын кезде құрылғы өшіп тұруы керек екеніне назар аударыңыз. Ауыстырмас бұрын шамның қақпағын да шайып, кептіруді ұсынамыз.
- Электр тұтату істемей тұр.
Бірінші кезекте электр тұтатудың бітеліп қалғаманын, оған су кетпегенін тексеріңіз, оның бүтіндігіне көз жеткізіңіз, қажет болса тазалаңыз (пайдалану жөніндегі нұсқаулықты басшылыққа алыңыз). Розетканың жарамдылығын, электр кәбілдің бүтіндігін тексеріңіз. Өзге жағдайларда сервис қызметіне жүгінуді ұсынамыз.
- Жалын біркелкі емес.
Алдымен оттықтың бөлшектері дұрыс орнатылғанын, оның саңылаулары бітеліп қалмағанын тексеріңіз. Қажет болса, пайдалану жөніндегі нұсқаулықты басшылыққа ала отырып, оларды тазалаңыз.
- Тұтқаны жібергеннен кейін оттық өшіп қалады.
Газды бақылау жүйесі іске қосылуы үшін қажетті уақыт бойы тұтқаны басып тұрмаған болуыңыз мүмкін. Әдетте оны қосу үшін шамамен төрт секунд қажет. Тұтқаны 10 секунд бойы басып тұрыңыз. Егер 15 секундтан кейін оттық жанбаса, реттегішті өшіріп, бөлмедегі есікті немесе терезені ашыңыз. Оттықты қайта қоспас бұрын кем дегенде бір минут күтіңіз. Егер осы әрекеттерді жасағаннан кейін де жалын сөніп қалса, газбен жабдықтау қызметіне жүгінуді ұсынамыз.
- Тұмшапештегі жалын барлық саңылаудан шығып тұрған жоқ
Оттық саңылаулары бітеліп қалған болуы мүмкін. Сервис қызметіне жүгінуді ұсынамыз.
- Жалын тұтанғаннан кейін бірден сөнеді.
Термопара жеткіліксіз қызған болуы мүмкін. Тұтанғаннан кейін газды реттеу тұтқасын басылған күйде 10-15 секунд ұстаңыз. Қалған барлық жағдайларда сервистік қызметке хабарласуды ұсынамыз.
- Ыдыс-аяқ тұрақсыз тұрады.
Бірінші кезекте ыдыстың түбі тегіс екеніне, ол конфорканың ортасына қойылғанына көз жеткізіңіз. Пісіру бетіндегі тірек торлары дұрыс орнатылғанына көз жеткізіңіз.
- Қыздырғанда және салқындаған кезде құрылғыдан металл шуыл естіледі.
Бұл ақау емес. Қызған кезде металл бөлшектер кеңейіп, дыбыстар естілуі мүмкін.
- Газ беру тұтқаларын бұрау қиын немесе мүлде бұралмайды.
Мұндай проблема бұрау механизмдеріне май жабысып қалудан туындауы мүмкін. Пайдалану жөніндегі нұсқаулыққа сәйкес басқару тұтқаларын алып, сабынды сумен тазалаңыз. Өзге жағдайларда сервис қызметіне жүгінуді ұсынамыз.
- Қызған кезде есіктің әйнегі буланады / жұмыс кезінде бу шығады.
Бұл қалыпты жағдай және ақау емес. Тұмшапеште тағам дайындаған кезде ылғал бөлінеді. Ол пештен есікті қоса алғандағы желдету арналары арқылы шығарылады. Ас пісірген сайын конденсатты сүртуді ұсынамыз. Сондай-ақ, тағамда конденсат пайда болмас үшін пісіргеннен кейін оны тұмшапеште 15-20 минуттан артық ұстамаңыз.
